មុនទៅដើរលេងនៅកន្លែងណាមួយ អ្នកគួរសិក្សាស្វែងយល់ពីកន្លែងដែលអ្នកនឹងត្រៀមទៅឱ្យបានច្បាស់លាស់ និងដឹងពីតិចនិកខ្លះៗពីការដើរកម្សាន្តលក្ខណៈម្នាក់ឯង Solo Tripដើម្បីជឿជាក់ថាមានសុវត្ថិភាពសម្រាប់ខ្លួនអ្នក។
1. គួរតែមាន Google Map នៅក្នុងទូរស័ព្ទដៃ
អ្នកពិតជាត្រូវការGoogle Map ណាស់ព្រោះថាវាអាចនឹងជួយអ្នកស្វែងរកទីកន្លែងដែលអ្នកចង់ទៅ ដែលមិនអាចធ្វើឱ្យអ្នកវង្វេងជាពិសេសគឺកន្លែងស្នាក់នៅ ។
2.ប្រយ័ត្នរបស់ដែលមានតម្លៃ (កាបូប ឬ ទូរស័ព្ទ)
មិនថានៅទីកន្លែងណាតែងតែមានមនុស្សមិនល្អ ដូចជាចោរឆក់ជាដើម ដូចនេះអ្នកគួរតែមានការប្រុងប្រយ័ត្នទៅលើកាបូប ទូរស័ព្ទ ជាពិសេសនៅដែលអ្នកដកទូរស័ព្ទមកថតរូប ។
3. ថតចម្លងឯកសារសំខាន់ៗទុក
ឯកសារសំខាន់មានដូចជា លិខិតឆ្លងដែន អត្តសញ្ញាណប័ណ្ណ ឬក៏សំបុត្រយន្តហោះ ដែលអ្នកគួរតែថតចម្លងទុកជៀសវាងការបាត់ ឬក៏ប្រើក្នុងករណីចាំបាច់ណាមួយដោយអ្នកគ្រាន់តែអោយរបស់ដែលថតចម្លង។
4. រកកន្លែងដែលនឹងត្រូវស្នាក់នៅឱ្យហើយ
សម្រាប់នារីប្រាកដណាស់ជាមានការពិបាកក្នុងការស្វែងរកកន្លែងដែលស្នាក់ តែជាជម្រើសល្អអ្នកគួរជ្រើសរើសយកការស្នាក់នៅជា Hotel ។ អ្នកអាចជ្រើសរើសប្រភេទ Dorm សម្រាប់នារី ឬក៏ស្នាក់នៅរួម។
5. វេចខ្ចប់សម្ភារៈដែលល្មមសម្រាប់ខ្លួនឯង
អ្នកត្រូវកំណត់ឱ្យឥវ៉ាន់ដែលអ្នកត្រូវយកទៅឱ្យបានច្បាស់លាស់ ហើយគួរតែយករបស់ណាដែលចាំបាច់ ប្រសិនបើអ្នកដាក់របស់ទៅច្រើនវានឹងធ្វើឱ្យអ្នកពិបាកក្នុងជញ្ជូនវាទៅមក។
ប្រភព៖ YouTube | Sabay | ប្រែសម្រួល៖ chanvutha yin