"ម៉ាល់ឌីវ ឋានសួគ៌ក្រោមមេឃ" គឺជាងារមួយដែលទេសចរជាច្រើននិយមហៅ ព្រោះតែសម្រស់របស់ប្រទេសប្រជុំដោយកោះមួយនេះ តែងតែបង្អួតខ្លួនយ៉ាងលេចធ្លោកណ្តាលមហាសមុទ្រឥណ្ឌាដ៏ធំល្វើងល្វើយ និងមិនធ្លាប់ធ្វើឱ្យទេសចរខកបំណងឡើយពេលបានទៅដល់ ពោលគឺភ្ញៀវភាគច្រើនមានការពេញចិត្តជាខ្លាំង។ ខាងក្រោមនេះគឺជាចំណុចពិសេសៗទាំង ៥ ដែលបង្ហាញថា ម៉ាឌីវ ពិតជាកន្លែងទេសចរណ៍ ដែលមិនគួរមើលរំលងឡើយ៖
១. ជិវិតបែបសាមញ្ញ ស្ងប់សុខផ្លូវចិត្ត
បើនិយាយទៅដូចជាមិនគួរឱ្យជឿ ប៉ុន្តែនៅពេលដែលអ្នកទៅដល់កោះ ម៉ាល់ឌីវ អង្គុយលើវាលខ្សាច់សក្បុសម៉ដ្ឋត្រសុស អមដោយទេសភាពសមុទ្រស្ងប់ស្ងាត់ និងពន្លឺព្រះអាទិត្យដែលចាំងផ្លាត់ភ្លឺផ្លេកលើផ្ទៃទឹករលកពណ៌ខៀវស្រងាត់ វាពិតជាទិដ្ឋភាពមួយដែលធ្វើឱ្យអ្នកភ្លេចអស់ពីទុក្ខសោកដែលអ្នកបានបៀមទុកជាយូរមកហើយនៅក្នុងជិវិតប្រចាំថ្ងៃ។ ម៉ាល់ឌីវ អាចថាជាទីកន្លែងមួយដែលជួយឱ្យអ្នកបានសម្រាកផ្លូវចិត្តយ៉ាងស្ងប់សុខបំផុត ជាមួយជីវីតបែបសាមញ្ញនៅលើកោះ។
២. ទិដ្ឋភាពចម្រុះពណ៌នៃសត្វសមុទ្រ
ម៉ាល់ឌីវ គឺជាដែនសមុទ្រមួយដែលល្បីខ្លាំងពីសោភ័ណ្ឌភាពចម្រុះនៃសត្វសមុទ្រដ៏ស្រស់ស្អាត និងគួរឱ្យស្រឡាញ់។ នៅក្នុងនោះដែរ ពេលដែលអ្នកចុះហែលទឹកលេង អ្នកអាចធ្វើការជ្រមុជមើលផ្កាថ្ម អណ្តើកសមុទ្រ ជាពិសេសគឺប្រភេទត្រីឆ្លាម reef shark ដែលជាឆ្លាមសមុទ្រស្លូត និងមិនផ្តល់គ្រោះថ្នាក់ដល់មនុស្សឡើយ ប្រសិនបើយើងបានយល់ដឹងពីវាច្បាស់។ ក្រៅពីនេះ អ្នកក៏អាចមើលឃើញនូវប្រភេទសត្វសមុទ្រជាច្រើនប្រភេទផ្សេងទៀត ដែលផ្សារភ្ជាប់អ្នកនឹងធម្មជាតិដ៏កំរបានឃើញនៅក្នុងតំបន់សមុទ្រនានាផងដែរ។
៣. វប្បធម៌បែបសាមញ្ញ តែស្រស់ស្អាត
វប្បធម៌របស់ប្រទេសមួយនេះគឺពិតជារីករាយ ដោយពួកគេនិយមប្រើប្រាស់ការទំនាក់ទំនងដ៏ពេញនិយម តាមរយៈតន្ត្រី និងការរាំ។ បើទៅដល់ហើយ កុំភ្លេចរង់ចាំទស្សនាសិល្បះរបំាបែបប្រពៃណី Bodu Beru performance ដ៏ពេញនិយមនៅលើកោះ ម៉ាល់ឌីវ ដែលជាធម្មតា គេនឹងសម្តែងនាពេលល្ងាច លើឆ្នេរសមុទ្រតែម្តង។ អ្នកអាចទស្សនា និងសាកល្បងរាំលេងកម្សាន្តជាមួយអ្នកស្រុកភូមិគេ ក៏ជាការសប្បាយម្យ៉ាងដែរ។
៤. ថតរូបអនុស្សាវរីយ៍
ជាមួយនឹងឆ្នេរខ្សាច់សក្បុស ទឹកសមុទ្រខៀវស្រងាត់ អមជាមួយនឹងផ្ទៃមេឃស្រឡះ រំលេចដោយពន្លឺភ្លឺចែងចាំង គឺជាធាតុអាកាសដល់អំណោយផលមួយសម្រាប់អ្នកដែលនិយមថតរូប ជាពិសេសនៅតាមកោះដែលស្វាគមន៍ទេសចរនីមួយៗគឺសុទ្ធតែត្រូវបានតុបតែងយ៉ាងស្រស់ស្អាត មិនថាអ្នកថតនៅជ្រុង ក៏អាចផ្តិតយកផ្ទៃ Background ដែលពោរពេញដោយភាពទាក់ទាញពីធម្មជាតិផងដែរ។
៥. ល្បែងកម្សាន្តក្នុងទឹក
អ្វីដែលកាន់តែពិសេស ប្រសិនបើអ្នកទៅស្នាក់នៅ Club Med Kani & Club Med Finolhu លោកអ្នកក៏អាចទទួលបានបទពិសោធន៍នៃការលេងកីឡាក្នុងទឹកជាច្រើនដូចជា៖
• Flying trapeze
• Snorkeling
• Sailing
• Kayaking
• Aqua Fitness
• Yoga
• Table Tennis
• Badminton
• Beach Soccer
• Beach Volleyball
• Fitness Class
• Water Polo
• Gym with cardio machines and weights
• Cooking classes & demonstration
• Board games
• Nightly shows
• Overwater swing
អ្វីដែលកាន់តែពិសេស ប្រសិនបើអ្នកប្រើប្រាស់កញ្ចប់សេវារបស់ក្រុមហ៊ុនទេសចរណ៍ វើលដ៍ ផប លោកអ្នកនឹងទទួលបានសេវាកម្មប្រកបដោយគុណភាព ព្រមជាមួយនឹងតម្លៃសមរម្យផងដែរ៕
រៀបរៀងអត្ថបទដោយ៖ ផលាភ