កាលពីល្ងាច ថ្ងៃទី ២១ ខែធ្នូ ឆ្នាំ ២០២២ ក្រុមហ៊ុនទេសចរណ៍ វើលដ៍ ផប មានកិត្តិយសទទួលបាននូវពានរង្វាន់ទេសចរណ៍ (Resilience Tourism Award) នៅក្នុងកម្មវិធី ជួបជុំសមាជិកប្រចាំឆ្នាំ និងជំនួបដៃគូអាជីវកម្ម មិត្តអ្នកជំនួញ ដែលបានរៀបចំឡើងនៅសណ្ឋាគារ Raffles Hotel Le Royal ក្រោមអធិបតីភាពដ៏ខ្ពង់ខ្ពស់ពី ឯកឧត្តម ថោង ខុង រដ្ឋមន្ត្រីក្រសួងទេសចរណ៍។
សម្ពាធនៃវិបត្តិខូវីដ-១៩ រយៈពេលជាង ២ ឆ្នាំកន្លងទៅនេះ ក្រុមហ៊ុនទេសចរណ៍ វើលដ៍ ផប ព្រមទាំងវិស័យទេសចរណ៍ទាំងមូល បានទទួលរងនូវផលប៉ះពាល់យ៉ាងខ្លាំង។ យ៉ាងណាមិញ ក្រុមហ៊ុននៅតែខិតខំប្រឹងប្រែង ដើម្បីបន្តរក្សានូវការផ្តល់សេវាកម្ម ដែលនៅមានតម្រូវការដ៏តិចតួចក្តី ដូចជា សេវាកម្មពន្យារពេលទិដ្ឋាការ ដំណើរកម្សាន្តក្នុងស្រុក និងការកក់សណ្ឋាគារក្នុងស្រុកជូនភ្ញៀវទេសចរជាតិ។
ក្រុមហ៊ុន វើលដ៍ ផប សូមថ្លែងអំណរគុណដល់សមាគមទេសចរណ៍កម្ពុជា CATA ព្រមទាំង ឯកឧត្តម ថោង ខុង ដែលបានផ្តល់កិត្តិយសដ៏ខ្ពង់ខ្ពស់ប្រគល់ពានរង្វាន់ដ៏មានន័យនេះជូនយើងខ្ញុំ។ ជាចុងក្រោយ ក៏សូមអរគុណដល់អតិថិជនទាំងអស់ដែលនៅតែគាំទ្រ និងបន្តប្រើប្រាស់សេវាកម្មរបស់ក្រុមហ៊ុនទេសចរណ៍ វើលដ៍ ផប៕